وفاقی کابینہ کا اجلاس آج ہوگا۔
وزیر اعظم شہباز شریف کی زیر صدارت وفاقی کابینہ کا اجلاس آج ہوگا۔ وزیراعظم شہباز شریف کی زیر صدارت ہونیوالے وفاقی کابینہ اجلاس میں 5 نکاتی ایجنڈے پر غور کیا جائے گا ۔ اجلاس میں قومی ویسٹ مینجمنٹ پالیسی 2022 کابینہ اجلاس میں پیش کی جائےگی جبکہ مختلف ممالک سے متعلق ویزا پالیسی میں تبدیلی پر غور کیا جائے گا ۔ کابینہ کی لیجسلیٹو کمیٹی کے 23 جون کے فیصلوں کی توثیق بھی کابینہ ایجنڈے میں شامل ہے ، کابینہ الیکٹرک پنکھوں کی توانائی سے متعلق معیار مقرر کرنے کی منظوری دے گی ۔ کابینہ اجلاس میں اقتصادی رابطہ کمیٹی کے 22 جون کے فیصلوں کی توثیق ہوگی۔
