کراچی: پاکستان کرکٹ ٹیم کے ہیڈ کوچ اورسابق کپتان مصباح الحق نے زندگی کی 47 بہاریں دیکھ لیں، سالگرہ کے موقع پر کرکٹرز سمیت مداحوں کی مصباح الحق کو مبارکباد۔ تفصیلات کے مطابق مصباح الحق28مئی 1974ء کو پنجاب کے شہر میانوالی میں پیدا ہوئے ان کا تعلق نیازی پٹھان قبیلے سے ہے،مصباح الحق نے کرکٹ کیرئیر کا آغاز8مار چ 2001ء میں نیوزی لینڈ کی کرکٹ ٹیم کے خلاف ٹیسٹ میچ کھیلتے ہوئے کیا۔ انٹرنیشنل کیرئیر میں اسٹار کرکٹر نے کئی اعزاز اپنے نام کئے، مصباح کی قیادت میں پاکستان نے سب سے زیادہ چھبیس ٹیسٹ میچزجیتے، دوہزار سولہ میں ٹیم کو ٹیسٹ رینکنگ میں پہلی پوزیشن دلائی اور آئی سی سی سے ٹیسٹ چیمپئن شپ ’میس‘ بھی حاصل کی۔