خواتین کو آج سے پہلے ریاست نے کبھی بدسلوکی اور ہراسگی کا نشانہ نہیں بنایا: عمران خان
چیئرمین پی ٹی آئی عمران خان نے رانا ثنا اللہ کی رات گئے کانفرنس پر تشویش کا اظہار کرتے ہوئے کہا ہے کہ اگر کوئی شک تھا بھی کہ جیلوں میں خواتین کے ساتھ بدسلوکی کی جارہی ہے تو اس سند یافتہ (سرٹیفائیڈ) مجرم کی اس پریس کانفرنس کے بعد سارے شکوک و شبہات دور ہو جانے چاہئیں۔ انہوں نے کہا کہ یہ شخص یقینی طور پر ان خوفناک کہانیوں کو (ایک سازش کے جواز میں) چھپانے اور قبل از وقت ان کا پردہ چاک کرنے کی آڑ میں ذمہ داری سے فرار کی کوششیں کررہا ہے، جو عنقریب منظرِ عام پر آنے والی ہیں۔ سابق وزیراعظم نے ٹوئٹ میں کہا کہ خواتین کو آج سے پہلے ریاست نے کبھی اس طرز کی بدسلوکی اور ہراسگی کا نشانہ نہیں بنایا جیسے پرامن احتجاج کے اپنے بنیادی حق کے استعمال کی پاداش میں انہیں اس فسطائی حکومت کیجانب سے بنایا جا رہا ہے۔ چیئرمین پی ٹی آئی نے مزید کہا کہ رانا ثنا اللہ میڈیا پر آکر خواتین کے ساتھ ہونے والے خوفناک واقعات کو چھپانے کی کوشش کر رہا ہے، جن خواتین کو گرفتار کیا گیا وہ پرامن احتجاج کے حق کو استعمال کررہی تھی
