کراچی سمیت ملک بھر میں آج سے بارشوں کا امکان
محکمہ موسمیات کے مطابق مغربی ہواؤں کی وجہ سے کراچی، حیدر آباد سمیت سندھ، پنجاب، خیبر پختونخوا، بلوچستان، آزاد کشمیر اور گلگت بلتستان میں بارش ہوگی مختلف علاقوں میں آندھی، جھکڑ چلنے اور ژالہ باری کی بھی توقع ہے۔ محکمہ موسمیات کے مطابق کراچی میں 24 گھنٹوں کے دوران موسم گرم اور مرطوب رہنے کا امکان ہے شہر میں آج بھی تیز ہوائیں چلتی رہیں گی، زیادہ سے زیادہ درجہ حرارت 35 سے 37 ڈگری سینٹی گریڈ تک جا سکتا ہے- محکمہ موسمیات کے مطابق شہرِ قائد میں کم سے کم درجہ حرارت 28.6 ڈگری سینٹی گریڈ ریکارڈ ہوا ہے مغرب سے چلنے والی ہواؤں کی رفتار 20 کلو میٹر فی گھنٹہ ہے، ہوا میں نمی کا تناسب 64 فیصد ہے۔
