چیئرمین پی ٹی آئی کو پارٹی سربراہی سے ہٹانے کا کیس:وکیل پی ٹی آئی نےمہلت مانگ لی

چیئرمین پی ٹی آئی کو پارٹی چیئرمین شپ سے ہٹانے سے متعلق کیس میں وکیل پی ٹی آئی نے جواب جمع کرانے کیلئے الیکشن کمیشن سے مہلت مانگ لی ۔منگل کو چیف الیکشن کمشنر سکندر سلطان راجہ کی سربراہی میں 4رکنی بنچ نے چیئرمین پی ٹی آئی کو پارٹی چیئرمین شپ سے ہٹانے سے متعلق کیس کی سماعت کی۔اس موقع پر درخواست گزار اور پی ٹی آئی کے وکیل بیرسٹر علی گوہر الیکشن کمیشن میں پیش ہوئے۔وکیل چیئرمین پی ٹی آئی نے جواب جمع کرانے کیلئے الیکشن کمیشن سے وقت مانگا ۔وکیل نے کہا کہ جواب جمع کرانے کیلئے وقت درکار ہے۔الیکشن کمیشن نے وکیل چیئرمین پی ٹی آئی کی استدعا پر جواب جمع کرانے کی ہدایت کرتے ہوئے سماعت 5 دسمبر تک ملتوی کر دی۔