سماجی رابطے کی ویب سائٹ ٹوئٹر پر جاری بیان میں تحریک انصاف کے رہنما فواد چودھری نے چودھری پرویز الہٰی کے گھر چھاپے کی مذمت کرتے ہوئے کہا کہ ایک طرف مذاکرات دوسری طرف گرفتاریاں؟ چوہدری پرویز الہٰی کے گھر چھاپے سے ثابت ہوتا ہے کہ اسحاق ڈار، سعد رفیق اور اعظم تارڑ کی اپنی حکومت میں کوئی حیثیت نہیں ، اس چھاپے کی شدید مذمت کرتے ہیں۔ پی ٹی آئی رہنما نے کہا کہ پرویز الہٰی کے گھر پر حملہ، علی امین گنڈا پور کو ضمانت کے باوجود جبس بے جا میں رکھنا اور پی ٹی آئی ورکرز کی گرفتاریاں مذاکراتی عمل کو بے معنی بنا رہی ہیں۔ فواد چوہدری نے مزید کہا کہ اگر حکومتی مذاکراتی ٹیم یقین دہانی کے بعد ماحول بہتر رکھنے میں کوئی کردار ادا نہیں کر سکتی تو وہ بڑے فیصلے کیسے کرے گی؟، عمران خان کی صدارت میں آج اجلاس میں مذاکرات جاری رکھنے یا نہ رکھنے کا فیصلہ کریں گے۔ دوسری جانب پرویز الہیٰ کے گھر پر چھاپے کے بعد سابق وزیراعظم عمران خان نے سینئر لیڈرشپ کا اجلاس طلب کر لیا ہے ۔ واضح رہے کہ گزشتہ روز حکومت اور پی ٹی آئی کے مذاکرات کا دوسرا دور ختم ہو گیا، دونوں فریقین منگل کو دن گیارہ بجے دوبارہ بیٹھیں گے۔

موسم سرما میں معمول سے زیادہ بارشوں کی پیش گوئی