موسم میں تبدیلی۔۔۔!محکمہ موسمیات نے بڑی خبر سنادی۔یکم مئی سے  شدید بارش، ژالہ باری اور آندھی کا الرٹ جاری

محکمہ موسمیات نے کہا ہے کہ یکم مئی سے پری مون سون اور مغربی ہواؤں کا سلسلہ پنجاب اور کے پی کے بیشتر حصوں میں گرج چمک کے ساتھ بارش کا سبب بنے گا۔  شنید ہے کہ مئی کے پہلے پندرہ روز کے دوران تین پری مون سون اور مغربی سسٹم داخل ہوں ہونگے آس دوران تیز ہوائیں چلنے کا امکان ہے ۔ جس کی رفتار زیادہ سے زیادہ 100 کلومیٹر فی گھنٹہ ہوگی۔ مئی کے پہلے ہفتے میں شدید بارش، ژالہ باری اور آندھی سے متعلق محکمہ موسمیات نے  الرٹ جاری کردیا، جس میں کہا ہے کہ کئی علاقوں میں شدید موسمی صورتحال کی زد میں آسکتے ہیں۔ تفصیلات کے مطابق نیشنل ڈیزاسٹر مینجمنٹ اتھارٹی (این ڈی ایم اے) نے یکم سے 7 مئی کے دوران ممکنہ موسمی صورتحال پرایڈوائزری جاری کردی۔ جس میں کہا ہے کہ 30 اپریل سےمغربی سسٹم بالائی علاقوں میں داخل ہو گا، جس کے باعث خیبر پختونخوا، گلگت بلتستان اور شمالی پنجاب، وسطی پنجاب اور جموں و کشمیر ، شمالی بلوچستان اور جنوبی سندھ میں شدید بارش، آندھی اور ژالہ باری کی پیش گوئی کی ہے۔ حکام نے خبردار کیا شدید بارشوں سےنشیبی علاقوں میں سیلابی صورتحال اور پہاڑی علاقوں میں لینڈ سلائیڈنگ کاخدشہ ہے ، اس کے پیش نظر متعلقہ ادارے ممکنہ ہنگامی صورتحال سے نمٹنے کے لیے پیشگی اقدامات یقینی بنائیں۔ این ڈی ای اے کا کہنا تھا کہ فوری رسپانس اورعوامی تحفظ یقینی بنانے کیلئے صوبائی اورضلعی ڈیزاسٹر مینجمنٹ اداروں کیساتھ رابطے میں رہیں۔ این ڈی ایم اے نے شہریوں کو مشورہ دیا ہے کہ وہ چوکس رہیں، حفاظتی احتیاطی تدابیر پر عمل کریں اور ریئل ٹائم اپ ڈیٹس کے لیے پاک این ڈی ایم اے ڈیزاسٹر الرٹ ایپ کا استعمال کریں۔ پی ڈی ایم اے کا کہنا تھا کہ گرمی سے ہیٹ اسٹروک اور آبی ذخائر پر پانی کے دباؤ کا امکان ہے، کسان فصلوں کے لیے پانی کامناسب انتظام کریں۔