نائب وزیراعظم اور وزیر خارجہ اسحٰق ڈار کا اماراتی ہم منصب شیخ عبداللہ بن زاید سے ٹیلیفونک رابطہ

نائب وزیراعظم اور وزیر خارجہ اسحٰق ڈار نے متحدہ عرب امارات کے نائب وزیر اعظم اور وزیر خارجہ شیخ عبداللہ بن زاید النہیان سے ٹیلفونک رابطہ کیا ہے، دونوں فریقوں نے خطے کی موجودہ صورتحال کے تناظر میں دونوں ممالک کے مابین قریبی روابط اور مشاورت پر اتفاق کیا۔برادر ملک کے وزیر خارجہ نے بھارت کے بے بنیاد الزامات کے جواب میں قومی سلامتی کمیٹی کے فیصلوں کو سراہا۔ ترجمان دفتر خارجہ کا کہنا ہے کہ ٹیلی فونک رابطے کے دوران باہمی دلچسپی کے امور سمیت خطے کی موجودہ صورتحال پر بات چیت کی گئی۔ترجمان کے مطابق اماراتی وزیر خارجہ نے بھارت کے بے بنیاد الزامات کے جواب میں قومی سلامتی کمیٹی کے فیصلوں کو سراہا، امارات کے نائب وزیراعظم نے خطے میں امن و استحکام کے لیے ڈائیلاگ کی اہمیت پر زور دیا۔ان دفتر خارجہ کے مطابق خطے کی موجودہ صورتحال کے تناظر میں دونوں ممالک کے مابین قریبی روابط اور مشاورت پر اتفاق کیا گیا ہے۔