جبری برطرفیوں کے خلاف سراپا احتجاج۔ مظاہرین چیف جسٹس کی آمد سے قبل ہی سپریم کورٹ کراچی رجسٹری پہنچ گئے جہاں انہوں نے برطرفیوں کے خلاف احتجاج کیا اور شدید نعرے بازی بھی کی۔ ملازمین کا کہنا تھا کہ 4 ہزار 544 ملازمین کو بغیر کسی وجہ کے نکال دیا گیا۔ 1400 افسران اور 3100 ملازم 2 سے 3 اسکیل کے ملازمین ہیں۔ 2009 سے ہماری تنخواہوں کو بڑھایا نہیں گیا۔ مظاہرین کا کہنا تھا کہ وزیراعظم عمران خان نے جو وعدے کیےتھے وہ پورے نہیں کیے۔ ملازمین کو نکالنے کا مقصد واضح ہے کہ اسٹیل ملز بند ہونے کی جانب ہے۔ مظاہرین نے مطالبہ کیا ہے کہ چیف جسٹس آف پاکستان اسٹیل ملز کے ملازمین کو برطرف کرنے پر نوٹس لیں۔ حکومت نے اسٹیل ملز کے حوالے سے جو عدالتی احکامات بیان کئے ہیں وہ حقیقت کے منافی ہیں۔ ہم اسٹیل مل میں نوکری کرنا چاہتے ہیں ہماری ملازمتوں کو بحال کیا جائے

وزیراعلیٰ سندھ مرادعلی شاہ سےکمانڈرکراچی وائس ایڈمرل فیصل رسول لودھی کی ملاقات