وحشی دشمن نے غزہ کی پٹی میں گھنائونے جرائم کا ارتکاب کیا۔اسماعیل ہانیہ
اسلامی تحریک مزاحمت (حماس)کے سیاسی شعبے کے سربراہ اسماعیل ہانیہ نے کہا ہے کہ معرکہ فرقان میں بہایا گیا لہو نئی فتوحات کی بنیاد ثابت ہوگا۔مرکزاطلاعات فلسطین کے مطابق رواں سال مئی میں معرکہ فرقان میں شہید ہونے والے فلسطینیوں کے اہل خانہ سے ایک تقریب میں ٹیلیفونک خطاب میں کہا کہ معرکہ فرقان فتح ونصرت کا معرکہ تھا جس میں پیش جانے والی قربانیوں اور فلسطینیوں کے لہو نے نئی فتوحات کی بنیاد رکھی۔ ان فتوحات میں رواں سال مئی لڑا گیا معرکہ سیف القدس بھی شامل ہے۔ا نہوں نے کہا کہ معرکہ فرقان کو یاد کرتے ہوئے ہم ایک المناک دن کو یاد کرتے ہیں،اس جنگ کے دوران وحشی دشمن نے غزہ کی پٹی میں گھنائونے جرائم کا ارتکاب کیا اور غزہ کی پٹی میں فلسطینی پولیس کمانڈ سینٹر کو نشانہ بنا کر غزہ میں سکیورٹی سسٹم کوتباہ کرنے کی کوشش کی گئی۔
