آئی سی سی نے مینز اور ویمنز ٹی ٹوئنٹی کرکٹر آف دی ائیر کیلئے نامزدگیوں کا اعلان کردیا۔آئی سی سی نے کرکٹر آف دی ایئرکیلئے دو پاکستانی کرکٹرز کو بھی نامزد کیا ہے جن میں مینز کیٹیگری میں محمد رضوان اور ویمن کیٹیگری میں ندا ڈار کے نام شامل ہیں۔محمد رضوان لگاتار دوسرے سال ٹی پلیئر آف دی ایئر کے لئے نامزد ہوئے ہیں۔ دیگر کھلاڑیوں میں بھارت کے سوریاکمار یادیو، زمبابوکے سکندر رضا شامل ہیں۔ٹی ٹوئنٹی ورلڈکپ فائنل کے ہیرو اور پلیئر آف دی ٹورنامنٹ انگلینڈ کے سیم کرن بھی نامزگیوں میں شامل ہیں۔ گذشتہ سال ٹی ٹوئنٹی پلیئر آف دی ایئر کا ایوارڈ پاکستان کے محمد رضوان نے جیتا تھا۔ویمنز ٹی ٹوئنٹی کرکٹر آف دی ائیر کیلئے ندار ڈار کو بھی نامزد کیا گیا ہے جبکہ دیگر کھلاڑیوں میں بھارت کی سمریتی مندانا، آسٹریلیا کی تالیہ میگرا اور نیوزی لینڈ کی صوفیا ڈیوائن شامل ہیں۔

موسم سرما میں معمول سے زیادہ بارشوں کی پیش گوئی