پاکستان میں کورونا کی پانچویں لہر بےقابو،27ہلاک،7963 نئے کیسزرپورٹ
عالمی وباءکورونا وائرس کی پاکستان میں پانچویں لہر شدت اختیار کرگئی، گزشتہ 24 گھنٹوں کے دوران 27 افراد جان سے گئے جبکہ 7ہزار سے زائد کیسز رپورٹ ہوئے ہیں ۔ ملک میں کورونا کے وار جاری ہیں ، نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران ملک میں کورونا کے 7 ہزار 963نئے کیسز سامنے آئے ۔ جس کے بعد ملک میں کورونا وائرس کے کُل مریضوں کی تعداد 14 لاکھ 10ہزار033ہو چکی ہے۔ ملک میں کورونا سے اموات کی مجموعی تعداد 29ہزار 219 ہوگئی ہے ۔ملک میں کوروناایکٹو کیسز کی تعدادایک لاکھ 4ہزار095ہوگئی ۔ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق ملک کے مختلف حصوں میں کیسز اور اموات کی صورتحال درج ذیل ہے:
Statistics 29 Jan 22:
Total Tests in Last 24 Hours: 70,389
Positive Cases: 7963
Positivity %: 11.31%
Deaths :27
Patients on Critical Care: 1375
— NCOC (@OfficialNcoc) January 29, 2022
صوبہ سندھ میں کورونا سے متاثرہ مریضوں کی تعداد 5 لاکھ 38 ہزار196 ہوگئی ہے جبکہ7 ہزار 800 افراد جان کی بازی ہار چکے ہیں ۔ پنجاب میں کورونا کیسزکی تعداد4لاکھ74ہزار208 تک پہنچ گئی ، صوبے میں اب تک 13ہزار 139افرا د انتقال کرچکے ہیں ۔ خیبر پختونخوا میں کورونا مریضوں کی تعداد1لاکھ90ہزار578ہوگئی جبکہ 5ہزار 994 افراد جان سے ہاتھ دھو بیٹھے ۔ بلوچستان میں کورونا کے 34 ہزار277 کیسز رپورٹ ہوچکے ہیں جبکہ اب تک 367 اموات رپورٹ ہوئیں ۔ اسلام آباد میں کورونا سے متاثرہ مریضوں کی تعدادایک لاکھ25ہزار203ہوگئی ، وفاقی دارالحکومت میں اموات کی مجموعی تعداد 979 تک جاپہنچی ہے ۔ آزاد کشمیر میں کوروناکیسزکی مجموعی تعداد36ہزار967 ہے جبکہ 752 افراد موذی وبا سے انتقال کرچکے ہیں ۔ گلگت بلتستان میں کورونا مریضوں کی مجموعی تعداد 10ہزار 604ہوگئی جبکہ 188 مریض وبا سے چل بسے۔ این سی اوسی کے مطابق ملک میں کوروناکےمثبت کیسزکی شرح11.31 فیصدرہی ، جبکہ 1375مریضوں کی حالت تشویشناک ہے ۔ ملک میں گزشتہ 24 گھنٹوں میں کورونا کے70 ہزار389 ٹیسٹ کئےگئے ہیں ۔ واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔
