معیشتوں کی درجہ بندی کرنے والی ریٹنگ ایجنسی موڈیز نے روس کو ڈیفالٹ قرار دے دیا۔غیر ملکی خبر رساں ادارے کی رپورٹ کے مطابق روس ایک صدی سے زائد عرصے میں پہلی بار غیر ملکی قرضوں میں ڈیفالٹ ہوا ہے۔رپورٹ کے مطابق ماسکو نے غیرملکی قرضوں کی آخری تاریخ گزر جانے کے باوجود ادائیگی نہیں کی، روس کے پاس سو ملین ڈالر کی واجب الادا رقم کی آخری تاریخ 27 مئی تھی، جس پر ایک ماہ کی مزید رعایت دی گئی تاہم یہ مدت بھی ختم ہو گئی۔