گور نر پنجاب چوہدری محمدسرور نے قومی اور صوبائی اسمبلیوں میں اوورسیز پاکستانیوں کے لیے بھی مخصوص نشستوں کی تجویزدیتے ہوئے کہا ہے کہ ووٹ کے حق کے ساتھ ساتھ اوورسیز پاکستانیوں کومخصوص نشستوں کے ذریعے اسمبلیوں میں نمائندگی ملنی چاہیے ، آزاد کشمیر میں بھی اوورسیز پاکستانیوں کے لیے مختص نشستوں میں اضافہ کیا جانا چاہیے۔ ان خیالات کا اظہار انھوں نے دورہ بر طانیہ کے دوران بر منگھم کے لارڈ میئر محمد افضل ، بر منگھم سے کونسلرزوسیم ظفر ،محمد ادریس ،’فہیم کیانی ، چوہدری محمود ، ظفر اقبال اورچوہدری نجیب سمیت اوورسیز پاکستانیوں سے ملاقات کے موقع پر کیا۔ تفصیلات کے مطابق ملاقات کے دوران اوورسیز پاکستانیوں کے مسائل کے حل اور بر طانیہ میں اوورسیز پاکستانیوں کی سیاست سمیت د یگر ایشوز کے بارے میں گفتگو کی گئی ، لارڈ میئر محمد افضل نے گور نر پنجاب کے اعزاز میں ظہر انہ بھی دیا ۔ملاقات کے بعدگفتگو کے دوران گور نر پنجاب چوہدری محمدسرور نے کہا کہ تحر یک انصاف کی حکومت نے وعدے کے مطابق اوورسیز پاکستانیوں کوووٹ کا حق دے دیا مگر میں سمجھتاہوں کہ ووٹ کا حق دینے کے ساتھ اوورسیز پاکستانیوں کے لیے قومی اور صوبائی اسمبلیوں میں مخصوص نشستیں بھی مختص کی جائیں تاکہ وہ ملک میں قانون سازی سمیت اہم فیصلوں کا بھی حصہ بن سکیں اور اس سے یقینی طور پر اوورسیز پاکستانیوں کے مسائل کو بہتر انداز میں حل کر نے میں بھی مدد ملے گی ۔ چوہدری محمدسرور نے کہا کہ اوورسیز پاکستانی پاکستان کی سیاست میں ضرور حصہ لیں مگر اس کے ساتھ ساتھ ان کو ان ممالک کی سیاست میں بھی حصہ لینا چاہیے جہاں وہ رہتے ہیں ،ایک وقت ایسا رہا جب پاکستانی یورپ میں بھارتیوں کے مقابلے میں زیادہ فعال انداز میں سیاست کر رہے تھے مگر آج ایسا نہیں ہے۔انھوں نے کہا کہ یورپی ممالک میں پاکستان کے اثر کو بڑ ھانے کے لیے ضروری ہے کہ پاکستانی بر طانیہ کے ساتھ امر یکا اور دیگر یورپی ممالک کی سیاست میں بھی فعال ہوں اور وہاں بلدیات کے علاوہ دیگر انتخابات میں بھی حصہ لیں ،انشا اللہ جب سب پاکستانی متحد ہوکر سیاست میں آئیں گے تو کامیابی ان کا مقدر ہوگی ۔ گور نر پنجاب نے پاکستان کی معاشی ترقی میں اوورسیز پا کستا نیوں کے کردار کوسراہتے ہوئے کہا کہ اوورسیز پاکستانیوں کے مسائل کا حل اور ان کو مضبوط بنانے کے لیے میں20سالوں سے جد وجہد کر رہاہوں اوران کے مسائل کے حل کے لیے گور نر ہائوس کے دروازے 24گھنٹے کھلے ہیں، اوورسیز کمیشن پنجاب بھی ان کے مسائل کے حل کیلئے دن رات کام کر رہاہے ،ہم اوورسیز پاکستانیوں کو کسی صورت تنہا نہیں چھوڑیں گے ۔ بر منگھم کے لارڈ میئر محمد افضل نے گو ر نر پنجاب چوہدری محمدسرور کو اوورسیز پاکستانیوں کا نمائندہ قرار دیتے ہوئے کہا کہ بر طانیہ کی سیاست میں سب سے پہلے چوہدری محمدسرور کی انٹر ی اور کامیابی سے ہی پاکستانیوں کو حوصلہ ملا اور آج درجنوں پاکستانی بر طانیہ کی مر کزی اور بلدیاتی سیاست میں کامیابی سے آگے بڑ ھ رہے ہیں، اوورسیزپاکستانیوں کو ووٹ کا حق دلانے میں بھی گور نر چوہدری محمدسرور کا یقینی طور پر اہم کر دار ہے، ہم اوور سیز پاکستانیوں کیلئے پاکستان کی قومی اور صوبائی اسمبلیوں میں مخصوص نشستوں کی گور نر پنجاب کی تجویز کو بھی سراہتے ہیں

حکومت آئین پر حملہ آور، چیف جسٹس اور عدلیہ کا ساتھ دیں گے، شاہ محمود قریشی