دبئی میں کھیلے جانے والے تیسرے اور آخری ٹی 20 انٹرنیشنل میں پاکستان نے آسٹریلیا کو 33 رنز سے شکست دے کر سیریز 0-3 سے جیت لی۔شاہینوں نے آسٹریلیا کو جیت کے لیے 151 رنز کا ہدف دیا تھا جس کے بدلے میں آسٹریلوی ٹیم 117 رنز پر ڈھیر ہوگئی۔ پاکستان کی جانب سے شاداب خان نے 3 اور حسن علی نے 2 وکٹیں لیں۔ میچ کے آغاز میں قومی ٹیم کے کپتان سرفراز احمد نے آسٹریلیا کے خلاف ٹاس جیت کر بیٹنگ کا فیصلہ کیا تھا۔ پاکستان کی جانب سے بابر اعظم نے 40 گیندوں پر نصف سینچری بنائی جبکہ صاحبزادہ فرحان 39 رنز بنائے۔ آسٹریلیا کے مچل مارش نے ایک اوور میں 6 رنز پر 2 وکٹیں حاصل کیں۔ میچ میں پاکستان نے اوپنر فخر زمان اور فاسٹ باؤلر شاہین آفریدی کی جگہ صاحبزادہ فرحان اور عثمان شنواری کو کھلانے کا فیصلہ کیا ہے۔ دوسری جانب آسٹریلوی باؤلر بلی اسٹین لیک کی جگہ میچ میں آف اسپنر نتھن لیون کو کھلایا گیا ہے۔

رواں سال کے آخر تک پورے پنجاب میں ہیلتھ کارڈ کی سہولت میسر ہو گی