آرمی چیف جنرل قمر باجوہ سے یو اے ای کی بری فوج کے کمانڈر کی ملاقات
آئی ایس پی آر کےمطابق جی ایچ کیو راولپنڈی میں ہونےوالی ملاقات میں علاقائی سلامتی اورباہمی دلچسپی کے امورپرتبادلہ خیال کیا گیا۔ بات چیت میں دونوں ممالک کی افواج کے درمیان دفاع، سیکیورٹی اور فوجی تربیت کے شعبوں میں باہمی تعاون پر بھی غور کیا گیا۔ میجرجنرل صالح محمدصالح نےدہشت گردی کے خلاف جنگ میں پاک فوج کی کوششوں کو سراہا۔ معزز مہمان نے جی ایچ کیومیں یادگارشہداء پرحاضری دی اور پھول چڑھائے۔ اس سے پہلے جی ایچ کیوپہنچنے پر پاک فوج کے چاق و چوبند دستے نے متحدہ عرب امارات کی لینڈ فورس کے کمانڈر کو سلامی دی۔
