چئیرمین جوائنٹ چیفس آف سٹاف کمیٹی کا پاکستان ایرو ناٹیکل کمپلیکس کامرہ کا دورہ, پی اے سی دفاعی پیداوار میں ایک کلیدی کردار کا حامل ادارہ ہے,جنرل زبیر محمود حیات
چئیرمین جوائنٹ چیفس آف سٹاف کمیٹی کا پاکستان ایرو ناٹیکل کمپلیکس کامرہ کا دورہ
اسلام آباد29 اکتوبر،2018 :جنرل زبیر محمود حیات چئیرمین جوائنٹ چیفس آف سٹاف کمیٹی نے آج پاکستان ائیروناٹیکل کمپلیکس کامرہ کا دورہ کیا جہاں انہیں پی اے سی کی فیکٹریز میں جاری منصوبہ جات کے بارے میں تفصیلی بریفنگ دی گئی۔
چئیرمین جوائنٹ چیفس آف سٹاف کمیٹی نے کام کی رفتار اور کارکردگی پر اطمینان کا اظہار کیا۔انہوں نے کہا کہ پی اے سی دفاعی پیداوار میں ایک کلیدی کردار کا حامل ادارہ ہے۔ چئیرمین جوائنٹ چیفس آف سٹاف کمیٹی نے پی اے سی کی خود انحصاری کی پالیسی اور تمام منصوبوں میں عالمی معیار کے حصول کو سراہا ۔ چئیرمین نے پاکستان ائیروناٹیکل کمپلیکس کامرہ کے مستقبل کے منصوبہ جات میں بھرپور اعانت کا اعادہ کیا۔قبل ازیں جنرل زبیر محمود حیات کی آمد پر ائیر مارشل احمر شہزاد لغاری چئیرمین پاکستان ائیروناٹیکل کمپلیکس نے ان کا استقبال کیا۔
