چارسدہ :موٹرسائیکل سواروں کی  فائرنگ،پولیس اہلکار شہید،محکمہ صحت کا ملازم زخمی

چارسدہ کے علاقے غنی خان روڈ پرموٹرسائیکل سواروں کی  فائرنگ سے ایک پولیس اہلکار شہید اور محکمہ صحت کا ایک ملازم شدید زخمی ہو گیا۔ پولیس کے مطابق حملہ نامعلوم موٹر سائیکل سواروں نے اس وقت کیا جب گاڑی معمول کے مطابق اپنی منزل کی جانب رواں دواں تھی۔شہید ہونے والے پولیس اہلکار کی شناخت فاروق کے نام سے ہوئی ہے، جو نیب آفس میں ڈیوٹی پر تعینات تھا۔ فائرنگ کے بعد حملہ آور فرار ہونے میں کامیاب ہو گئے۔پولیس نے کہا کہ جاں بحق اہلکار کی لاش اور زخمی کو فوری طور پر ڈسٹرکٹ ہیڈ کوارٹر اسپتال منتقل کر دیا گیا ۔ واقعہ کے بعد علاقے میں خوف و ہراس پھیل گیا جبکہ پولیس نے جائے وقوعہ سے شواہد اکٹھے کر کے تحقیقات شروع کر دیں، حملہ آوروں کی تلاش کے لئے سرچ آپریشن جاری ہے۔