برطانیہ میں کورونا کیسز کے سب ریکارڈ ٹوٹ گئے۔
برطانیہ میں گزشتہ 24گھنٹے کے د وران ریکارڈ ایک لاکھ 83ہزار سے زائد کوروناکیسز رپورٹ ہوئے۔غیر ملکی میڈیا رپورٹس کے مطابق گزشتہ ا یک ہفتے میں 9لاکھ 14ہزار افراد میں کورونا وائرس کی تصدیق ہوچکی۔نیشنل ہیلتھ سروس (این ایچ ایس )کے مطابق انگلینڈ میں بدھ کی صبح تک ساڑھے 10 ہزار کے قریب مریض اسپتال داخل کیے گئے‘ یہ یکم مارچ کے بعد سے اب تک ایک ہفتے میں اسپتال میں داخل کیے گئے مریضوں سے 48فیصد زیادہ ہے۔اس کے علاوہ نیشنل ہیلتھ سروس کا کہنا ہے کہ اسکاٹ لینڈ میں گزشتہ روز رپورٹ 80 فیصد کیسز اومی کرون کے ہیں۔اس کے علاوہ فرانس میں گزشتہ روز کورونا کے2 لاکھ 8ہزار سے زیادہ کیسز سامنے آگئے جبکہ ترکی میں اپریل کے بعد ریکارڈ 36ہزار سے زائد کیسز رپورٹ ہوئے۔دوسری جانب اسپین نے کوونا کے بڑھتے کیسز کے باوجود قرنطینہ کی مدت کم کر کے 7 روز کردی جبکہ عالمی ادارہ صحت نے قرنطینہ کی مدت میں کمی کے معاملے میں احتیاط کی ہدایت کردی۔
