ترجمان سندھ پولیس کے مطابق درندگی کا نشانہ بننے والی بچی کے کیس کے حوالے سے سینٹرل پولیس آفس میں اہم اجلاس ہوا، اجلاس میں ایڈیشنل آئی جی کراچی مشتاق احمد مہر، ڈی آئی جی ہیڈکوارٹرز سندھ منیر احمد شیخ، ڈی آئی جی ایسٹ عارف حنیف، ایس ایس پی ملیر ، ایس ایس پی انویسٹی گیشن ملیر اے آئی جی لیگل اور ڈی ایس پی سکھن نے بھی شرکت کی، اجلاس میں کیس میں ابتک ہونے والی پیش رفت کا تفصیلی جائزہ کیا گیا، آئی جی سندھ نے اعلان کیا کہ بچی کو درندگی کا نشانہ بنانے والے ملزمان کی گرفتار میں مدد دینے والے شہری کو 10لاکھ روپے انعام دیا جائے گا، انہوں نے افسران کو ہدایت دی کہ کیس کے جملہ پہلوﺅں کو جدید تکنیک کی بدولت موثر بنا کر ملوث ملزمان کو جلد گرفتار کیا جائے