کراچی میں سچل غازی گوٹھ کے قریب گھر میں پانی کے ٹینک میں گیس بھر جانے سے افسوسناک واقعہ پیش آیا ہے۔ تفصیلات کے مطابق قائم مکان میں پانی کے زیر زمین ٹینک میں دھماکے سے ٹینک کے اوپر والی چھت متاثر ہوگئی جس کے نتیجے میں 6 افراد زخمی ہوگئے۔ ریسکیو ذرائع نے بتایا کہ زخمی ہونے والے تمام افراد ایک ہی خاندان کے ہیں جبکہ یہ واقعہ صبح 9 بجے گھر کے اندر پیش آیا تھا۔ واضح رہے کہ زخمی ہونے والے 3 افراد کو سول اسپتال کے برنس وارڈ منتقل کردیا گیا ہے جبکہ 3  افراد کو ڈاو کے اوجھا اسپتال منتقل کیا گیا ہے۔ ریسکیو ذرائع نے بتایا کہ مزید کوئی زخمی اب جائے وقوعہ پر موجود نہیں ہے۔

سرکار طاقت کی بجائے عقل استعمال کرنے کی کوشش کرے افاقہ ہوگا۔ اسد عمر