پاکستان پیپلزپارٹی کے چیئرمین بلاول بھٹو زرداری نے کہا ہے کہ متحدہ اپوزیشن اور ایم کیو ایم پاکستان کے درمیان معاہدہ ہوچکا ہے۔ تفصیلات کے مطابق پاکستان پیپلزپارٹی کے چیئرمین  بلاول بھٹو زرداری نے رات گئے  متحدہ اپوزیشن اور ایم کیو ایم کے درمیان طے پانے والے معاہدے سے متعلق اپنے ٹوئٹ میں لکھا کہ ایم کیو ایم کی رابطہ کمیٹی اور پی پی پی کی سینٹرل ایگزیکٹو کمیٹی مذکورہ معاہدے کی توثیق کریں گے۔انہوں نے کہا کہ ہم انشاء اللّٰہ آج میڈیا کو پریس کانفرنس میں تفصیلات سے آگاہ کریں گے۔دوسری جانب ایم کیو ایم پاکستان کے رہنما فیصل سبزواری  کاکہنا ہے کہ متحدہ اپوزیشن اور متحدہ قومی موومنٹ پاکستان کے درمیان معاہدہ نے حتمی شکل اختیار کر لی ہے،  اس حوالے سے مشترکہ اپوزیشن کی پریس کانفرنس آج شام 4 بجے ہوگی۔واضح رہے کہ تحریک عدم اعتماد کے معاملے پر متحدہ اپوزیشن اور ایم کیو ایم پاکستان کے درمیان رات گئے معاہدہ طے پاگیا ہے۔

امریکی ریاست کیلی فورنیا کے چرچ میں فائرنگ،1 ہلاک اور 5 افراد زخمی