کورونا وائرس: پاکستان میں اموات اور کیسز میں مسلسل کمی,شرح 0.70 فیصدہوگئی۔
پاکستان میں کورونا وائرس سے اموات اور کیسز میں مسلسل کمی آ رہی ہے، ملک میں گزشتہ 24 گھنٹے میں کورونا مثبت کیسز کی شرح 0.70 فیصدرہی ۔ تفصیلات کے مطابق نیشنل کمانڈ اینڈ آپریشن سینٹر(این سی او سی) کے مطابق گزشتہ 24 گھنٹے میں کورونا سے 2مریض انتقال کرگئے ، جس کے بعد ملک میں اموات کی مجموعی تعداد 30ہزار 349ہوگئی ہے ۔ سرکاری اعداد و شمار کے مطابق ملک میں 24 گھنٹے میں کورونا وائرس کے27ہزار492ٹیسٹ کیےگئے ہیں جس میں سے 194کیسز مثبت رپورٹ ہوئے، جس کے بعد ملک میں کورونا کیسز کی مجموعی تعداد15لاکھ24ہزار 549ہو گئی ہے ۔ این سی اوسی کے مطابق ملک بھرمیں کورونا فعال کیسز کی تعداد8ہزار 591ہوگئی جبکہ کوروناکے432مریضوں کی حالت تشویشناک ہے ۔ ملک میں گزشتہ24گھنٹوں میں136 افرادکوروناسےشفایاب ہوچکے، اب تک14لاکھ85ہزار609مریض کورونا سےصحت یاب ہوچکےہیں۔ واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔
