پی پی اور ایم کیو ایم میں معاہدہ، ایڈمنسٹریٹر کراچی ایک دو روز میں عہدہ چھوڑ دیں گے
پیپلز پارٹی اور ایم کیو ایم پاکستان کے درمیان معاہدے کے تحت ایڈمنسٹریٹر کراچی مرتضیٰ وہاب آئندہ ایک دو روز میں عہدہ چھوڑ دیں گے۔ذرائع کے مطابق مرتضیٰ وہاب پارٹی کی اعلیٰ قیادت کی ہدایت پر ایڈمنسٹریٹر کراچی کا عہدہ چھوڑ رہے ہیں، وہ ایک دو روز میں ایڈمنسٹریٹر کراچی کا عہدہ چھوڑ دیں گے۔
دونوں جماعتوں کے درمیان ہونے والے معاہدے کے تحت ایم کیو ایم کی سفارش پر کسی سیاسی فرد کو کے ایم سی کا ایڈمنسٹریٹر لگایا جائےگا۔
خیال رہے کہ رات گئے ایم کیو ایم پاکستان اور پیپلز پارٹی کے درمیان معاہدہ طے پایا تھا جس کے بعد آج ایم کیو ایم کے دو وفاقی وزراء بیرسٹر فروغ نسیم اور سید امین الحق نے اپنے عہدوں سے استعفیٰ دے دیا ہے۔
