پی آئی اے طیارہ حادثے میں شہید ہونے والےاسکواڈرن لیڈر زین العارف خان کی نماز جنازہ پی اے ایف بیس فیصل میں ادا کرنے کے بعد کورنگی کریک کے قبرستان میں سپرد خاک کر دیا گیا۔ شہید اسکواڈرن لیڈر زین العارف خان ایئر ہیڈ کوارٹرز میں تعینات تھے اور اپنے والدین کے ساتھ عید منانے کراچی جا رہے تھے۔ ڈی این اے ٹیسٹ سے شناخت کے بعد ان کی میت پاک فضائیہ کےحکام کے حوالے کی گئی تھی۔ نماز جنازہ میں ایئروائس مارشل احمد حسن، ڈپٹی چیف آف ایئر اسٹاف انجینئرنگ، ایئروائس مارشل عباس گھمن، ایئر آفیسر کمانڈنگ، سدرن ایئر کمانڈ اور پاک فضائیہ کے اہلکاروں۔ فوجی اور سول عہدیداران نے شرکت کی۔ بعد ازاں انہیں مکمل فوجی اعزاز کے ساتھ پی اے ایف بیس کورنگی کریک کے قبرستان میں سپرد خاک کر دیا گیا