سٹاک مارکیٹ میں دوسرے روز بھی کاروبار میں مثبت رجحان، سرمایہ کاروں کو اربوں کا فائدہ
حصص مارکیٹ میں دن بھر اُتار چڑھاؤ دیکھنے کو ملا تاہم دوپہر ایک بجے کے قریب حالات میں بہتری کے آثار آئے جس کے باعث 100 انڈیکس میں 200 پوائنٹس کی تیزی دیکھی گئی اور کاروبار کا اختتام مثبت انداز میں ہوا۔ پاکستان سٹاک مارکیٹ میں 100 انڈیکس 331.59 پوائنٹس کی تیزی کے بعد 41671.65 پوائنٹس کی سطح پر پہنچ کر بند ہوا، پورے کاورباری رو زکے دوران کاروبار میں 0.8 فیصد کی بہتری دیکھی گئی۔ آج کاروبار میں بہتری کے باعث 10 کروڑ 40 لاکھ 70 ہزار 259 شیئرز کا لین دین ہوا جس کے باعث سرمایہ کاروں کو 50 ارب روپے کے قریب فائدہ ہوا۔
