وزیراعلیٰ پنجاب چودھری پرویز الٰہی کی زیر صدارت پنجاب ماس ٹرانزٹ اتھارٹی کا 19واں اجلاس, اجلاس میں لاہور میں 513ہائبرڈ/الیکٹرک بسیں چلانے کی اصولی منظوری۔ وزیراعلیٰ چودھری پرویز الٰہی کا لاہور فیڈرروٹ کے لئے مزید بسیں لانے کا پراجیکٹ تیار کرنے کا حکم، سپیڈوفیڈربس سروس کی لاہورسے شیخوپورہ اورمریدکے تک توسیع کی منظوری ،وزیراعلیٰ چودھری پرویز الٰہی کاپنجاب ٹرانسپورٹ کمپنی کو بحال اورفعال کرنے کا حکم  دے دیا۔ چودھری پرویزالٰہی نے کہا کہ اورنج لائن میٹروٹرین کے 8سٹیشنز کی کمرشلائزیشن کی جائے گی۔  پاکستان میٹروبس سسٹم راولپنڈی اسلام آبادکی بسوں کی تعمیر ومرمت اورنئی بسیں خریدنے کی منظو ری۔ بہاولپورسے لودھراں بس سروس آپر یشن جاری رکھنے کااصولی فیصلہ کیا گیا۔بہاولپور سے لودھراں روٹ کو جاری رکھنے کیلئے 12بسوں کی فراہمی کی منظوری دی گئی۔

آرمی چیف جنرل عاصم منیر اہم دورے پربرطانیہ روانہ

چودھری پرویزالٰہی نے مزید کہا کہ پاکستان میٹروبس سروس راولپنڈی اسلام آباد میں صفائی ستھرائی کے انتظامات راولپنڈی ویسٹ مینجمنٹ کمپنی کے سپرد کیے جائیں گے۔  لاہورمیٹروبس سروس سسٹم میں بہتری لائی جائے گی۔  آٹومیٹک فیئر کولیکشن اینڈ بس شیڈولنگ سسٹم کیلئے این آر ٹی سی کی خدمات لینے کا فیصلہ،لاہورمیٹروبس سسٹم کی بسوں کی تعمیرومرمت کے معاہدے میں ترمیم کی منظوری بھی دے دی گئی۔اورنج لائن میٹروٹرین سسٹم کی انشورنس کے فیصلے کی توثیق ،سی ڈی اے کو 15بسیں دینے کے فیصلے کی ایکس پوسٹ فیکٹوتوثیق، صوبائی وزیر ٹرانسپورٹ محمد منیب سلطان چیمہ، ارکان صوبائی اسمبلی شمیم آفتاب، خدیجہ عمر، پرنسپل سیکرٹری وزیراعلیٰ محمد خان بھٹی،سابق پرنسپل سیکرٹری وزیراعلیٰ جی ایم سکندر،چیئرمین پنجاب ٹرانسپورٹ کمپنی میاں ہارون اکبر، سیکرٹری ٹرانسپورٹ، سیکرٹری خزانہ، ایم ڈی پنجاب ماس ٹرانزٹ اتھارٹی، سیکرٹری پی ایم اے اور متعلقہ حکام کی اجلاس میں شرکت کی۔

پی ٹی آئی نے جیل بھرو تحریک کی تیاریوں کا باضابطہ آغاز کردیا