ملک بھر میں متاثر انٹرنیٹ خدمات کو مکمل طور پر بحال کر دیا گیا
ترجمان پی ٹی اے نے کہا ہے کہ ملک بھر میں متاثر انٹرنیٹ خدمات کو مکمل طور پر بحال کر دیا گیا۔ ایک بیان میں ترجمان پی ٹی اے نے کہاکہ دو انٹرنیشنل کیبلز میں آنے والی خرابی کو دور کر لیا گیا،ایس ایم ڈبلیو4 کو صبح ایک بج کر 35 منٹ پر جبکہ ٓائی ایم ای ڈبلیو ای کو صبح 4 بج کر 13 منٹ پر بحال کر دیا گیا۔ترجمان پی ٹی اے کے مطابق اس وقت ملک بھر میں انٹرنیٹ خدمات مکمل طور پر بحال ہیں۔ ترجمان پی ٹی سی ایل کے مطابق زیر سمندر دو فائبر اپٹک کیبلز میں فالٹ آیا تھا جو ٹھیک کرلیا گیا ہے، پاکستان میں انٹرنیٹ سروس مکمل بحال کردی گئی ہے،پی ٹی سی ایل کے مطابق صارفین کو انٹرنیٹ سروس کے استعمال میں پیدا ہونے والی دشواری پر معذرت خواہ ہیں۔
