بھارت کی جانب سے کوئی بھی حملہ کشیدگی میں مزید اضافہ کرےگا:جان کربی
امریکا نے کہا ہے کہ بھارت کی جانب سے کوئی بھی حملہ کشیدگی میں اضافہ اضافہ کرے گا، دونوں ممالک کشیدگی کم کرنے کیلئے کوششیں کریں،،، اقوام متحدہ کے جنرل سیکریٹری بانی کی مون نے ایل او سی پر کشیدگی کو تشویشناک قرار دیا ہے
پاک بھارت حالیہ کشیدگی پر امریکا بھی میدان میں آگیا، امریکی محکمہ خارجہ نے بھارت پر کشیدگی کم کرنے پر زور دیا ہے، ترجمان جان کربی کا کہنا ہے کہ بھارت کی جانب سے کوئی بھی حملہ کشیدگی میں مزید اضافہ کرے گا، پاکستان اور بھارت کے درمیان بات چیت جاری رہنا انتہائی ضروری ہے،،امریکی وزارت خارجہ کے ترجمان سے پوچھا گیا کہ کیا امریکہ اور بھارت کے درمیان مبینہ سرجیکل سٹرائیک سے قبل کوئی بات چیت ہوئی تھی؟ جواب میں جان کربی کا کہنا تھا کہ جان کیری اور سشما سوراج کے درمیان ملاقات میں امریکی وزیر خارجہ نے ہر طرح کی دہشت گردی کی بھی مذمت کی تھی اور تناؤ میں اضافے کی صورت میں محتاط رہنے پر زور دیا تھا۔۔۔ دونوں ممالک کو ہمارا پیغام یہی ہوگا کہ وہ خطرات سے نمٹنے اور ایسے اقدام سے بچنے کے لیےبات چیت کا راستہ اختیار کریں۔ ہم چاہتے ہیں کہ دونوں ممالک کے درمیان تعاون بڑھے اور دونوں ممالک کی جانب سے مشترکہ خطرات سے نمٹنے کے لیے اقدامات اٹھائے جائیں۔ دوسری جانب اقوام متحدہ کے سیکریٹری جنرل بانکی مون نے کہا ہے کہ پاکستان اور بھارت آپس کے اختلافات کو مذاکرات کے ذریعے پرامن طریقے سے حل کریں۔۔۔
