وزیراعلیٰ سندھ نے بےنظیر بھٹو ہاؤسنگ سیل کے اجلاس کی صدارت کرتے ہوئے کہا کہ وہ بے نظیر بھٹو کے خواب کو سچ کر دکھانا چاہتے ہیں تاکہ صوبے میں بے گھر افراد کو گھر دیئے جا سکیں۔ مراد علی شاہ نے افسران کو ہدایت کرتے ہوئے کہا کہ یونین کونسل کی سطح پر سروے کرکے بے گھر افراد کا پتہ چلایا جائے۔ بے نظیر بھٹو ہاؤسنگ سیل کے انچارج نذیر جمالی نے بتایا کہ اسکیم کے تحت پانچ ہزار چھے سو گھروں کی تعمیر مکمل کرلی گئی ہے جبکہ خیر پور میں 80 گز کے پلاٹس بھی موجود ہیں۔ یہ پلاٹ دس ہزار سے کم آمدنی والے افراد کو دیئے جائیں گے۔ اجلاس میں وزیراعلیٰ سندھ مراد علی شاہ نے فیز تھری میں چھے ہزار گھر بنانے کا حکم بھی دیا جو کہ ہر ضلع میں تعمیر کئے جائیں گے