پاکستان اور ورلڈ الیون کے میچز کیلئے آن لائن ٹکٹوں کا اجراء جمعہ سے ہوگا۔
پاکستان اور ورلڈ الیون کے میچز کیلئے آن لائن ٹکٹوں کا اجرا جمعہ سے ہو گا۔ قذافی سٹیڈیم میں ہونے والے تین ٹی ٹونٹی میچز کی آن لائن ٹکٹوں کا اجرا یکم ستمبر سے شروع ہو گا جبکہ بوتھ پر ٹکٹ چار ستمبر سے دستیاب ہوں گے۔ٹکٹوں کی قیمت 500سے لے کر 6000روپے تک ہوگی۔ ورلڈ الیون کے دورہ پاکستان کے لئے آئی سی سی کی سکیورٹی ٹیم چار ستمبر کو لاہور پہنچ رہی ہے۔تفصیلات کے مطابق ٹکٹوں کی قیمت 500، 2500، 4000 اور 6000 روپے کے درمیان ہوگی۔کرکٹ شائقین جنرل اسٹینڈ کی ٹکٹ 500 روپے کے عوض خرید سکیں گے جبکہ انضمام الحق انکلوڑر کے ٹکٹ کی قیمت 2500 روپے مقرر کی گئی ہے۔قذافی اسٹیدیم لاہور کے عبدالقادر، میانداد، کاردار اور رمیز راجہ انکلوژر کے ٹکٹوں کی قیمت 4000 روپے ہوگی۔سب سے مہنگے ٹکٹ عمران خان اور فضل محمود انکلوڑرز کے ہوں گے جن کی قیمت 6000 روپے ہوگی۔پی سی بی ذرائع کا کہنا ہے کہ ٹکٹ کاونٹرز عیدالضحی کے بعد لگائے جائیں گے۔خیال رہے کہ ورلڈ الیون اور پاکستان کے مابین 3 ٹی ٹوئنٹی میچ کھیلے جائیں گے۔واضح رہے کہ ورلڈ الیون 7 ستمبر کو پاکستان پہنچ رہی ہے اور وہ پاکستان میں تین میچز کھیلے گی ۔
