2020 میں اپوزیشن کو غیر جمہوری ہتھکنڈوں نے ناک آئوٹ کیا ، شبلی فراز
وفاقی وزیر اطلاعات سینیٹر شبلی فراز نے کہا ہے کہ 2020 ء میں اپوزیشن کوان کے غیر جمہوری ہتھکنڈوں نے ناک آئوٹ کردیا۔ انہوں نے ٹویٹ کرتے ہوئے کہا کہ 2020عالمی سطح پر مشکل سال رہاہے کروناوبانے دنیا بھرمیں صحت کے نظام اورمعیشتوں کوہلاکررکھاتاہم عمران خان کی قیادت میں پاکستان اس چیلنج سے احسن انداز میں نبردآزماہوا، صحت اورمعیشت دونوں کواہمیت دی گئی۔ انہوں نے کہا کہ سمارٹ لاک ڈائون کی کامیاب حکمت عملی کوعالمی سطح پر پذیرائی حاصل ہوئی۔انہوںنے کہا کہ عمران خان نے جرات مندانہ فیصلوں سے معاشی بہتری اور ترقی کیلئے درست سمت کا تعین کر دیا، جنوری میں تبدیلی نئے سال کی ہوگی اور عوام کے مسائل کے حل کیلئے وزیراعظم عمران خان کی قیادت میں فیصلہ کن جدوجہد کے نئے مرحلے کا آغاز ہوگا، ہمارے فیصلوں اور پالیسی کامحور پاکستان کے عوام ہیں۔انہوں نے کہا کہ 2020 میں اپوزیشن کوان کے غیر جمہوری ہتھکنڈوں نے ناک آئوٹ کیا،حکومت کوگرانے کیلئے بننے والااتحاداپنے مفادات،سوچ اور بیانیے کی بھینٹ چڑھ گیا ،اتنی اخلاقی جرات ہوتی تو پیپلزپارٹی کے فیصلے کے بعدخود ہی پی ڈی ایم کے تحلیل کااعلان کر دیا جاتا ۔
