برطانیہ آج یورپی اتحاد سے علیحدہ ہوجائے گا
برطانیہ کا یورپی یونین سے باقاعدہ انخلا آج ہوجائے گا،برطانوی ارکان یورپی پارلیمنٹ سے واپس آگئےہیں۔ غیر ملکی خبر رساں ایجنسی کے مطابق برطانیہ ریفرنڈم اور ایک الیکشن کے بعد آخر کار مقامی وقت کے مطابق اکتیس جنوری رات کو گیارہ بجے یورپی اتحاد سے علیحدہ ہوجائے گا۔ انخلا کے بعد ٹرانزیشن یعنی منتقلی کا گیارہ ماہ کا عمل شروع ہو جائے گا،منتقلی کا عمل مکمل ہونے تک برطانیہ یورپی اتحاد کے اصولوں اور قوانین پر عمل کرتا رہے گا اور یورپی اتحاد سے ادائیگیاں بھی کرتا رہے گا،گیارہ ماہ کے بعد مکمل طور پر علیحدہ ہوجائےگا۔ یہاں یہ بات بھی قابل ذکر ہے کہ برطانیہ یورپی یونین سے 47 سالہ اتحاد توڑ رہا ہے ، پاکستان میں ہفتے کی صبح چار بجے برطانیہ کی یورپی یونین سے عملی طور پر علیحدگی نافذ ہو جائے گی۔ جس مقام سے بریگزیٹ کا اعلان کیا گیا تھا،جمعہ کے روز سندرلینڈ کے اسی مقام پر برطانوی کابینہ کی علامتی میٹنگ بھی ہوگی۔ بریگزیٹ سے علیحدگی پر نومنتخب وزیراعظم بورس جانسن بریگزٹ کے بارے میں بیان بھی جاری کریں گے جس میں وہ واضح کریں گے کہ جس میں وہ بریگزٹ کی اہمیت پر بات کریں گے۔ اسی خطاب میں برطانیہ کے پسماندہ علاقوں کی ترقی کے لیے منصوبہ پیش کیے جانے کا بھی امکان ہے
