الیکشن کمیشن آف پاکستان نے چوہدری شجاعت کو ق لیگ کے صدر کے طورپر برقرار رکھا ،اور سینٹرل ورکنگ کمیٹی کی کارروائی کو غیر قانونی قرار دے کر ہٹانے کا فیصلہ مسترد کردیا ۔چیف الیکشن کمشنر کی سربراہی میں تین رکنی کمیشن نے چودھری شجاعت حسین کو پارٹی صدارت سے ہٹانے سے متعلق کیس کا محفوظ شدہ فیصلہ سنا دیا۔الیکشن کمیشن نے چودھری شجاعت حسین کی برطرفی کو پارٹی آئین سے متصادم قرار دیتے ہوئے فیصلے میں کہا کہ سینٹرل ورکنگ کمیٹی کی کارروائی بھی غیر قانونی ہے، الیکشن کمیشن نے اپنے فیصلے میں ق لیگ کی سینٹرل ورکنگ کمیٹی کا جاری کردہ پارٹی الیکشن شیڈول بھی کالعدم قرار دے دیا۔ الیکشن کمیشن نے اپنے فیصلے میں کہا کہ چوہدری شجاعت پاکستان مسلم لیگ(ق)کے صدر برقرار ہیں۔فیصلے میں الیکشن کمیشن کی جانب سے کہا گیا ہے کہ سینٹرل ورکنگ کمیٹی کی کارروائی کو کوئی قانونی حیثیت حاصل نہیں ۔الیکشن کمیشن نے (ق)لیگ انٹرا پارٹی الیکشن غیرقانونی قراردے دیئے۔ واضح رہے کہ الیکشن کمیشن نے گزشتہ برس اگست میں فیصلہ محفوظ کیا تھا۔

مریم نواز کا مسلم سٹوڈنٹ فیڈریشن کو نئی قوت سے شروع کرنے کا اعلان