ایئر پورٹس سکیورٹی فورس کے عملے نے فیصل آباد ایئر پورٹ پر کارروائی کرتے ہوئے شارجہ جانے والے مسافر سے 3.2 کلو گرام آئس ہیروئن برآمد کر لی۔ترجمان کے مطابق مسافر اشرف علی نے سفری بیگ کے اندر موجود سوہن حلوے کے 2 ڈبوں میں حلوے کی تہہ کے نیچے مہارت سے منشیات چھپا رکھی تھی۔ انہوں نے کہا کہ اے ایس ایف کے عملے نے سامان کی تلاشی کے دوران منشیات برآمد کر کے  سمگلنگ کی کوشش ناکام بنا دی۔ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لئے اینٹی نارکوٹکس فورس (اے این ایف)کے حکام کے حوالے کر دیا گیا۔

گھی اور تیل کی قیمتوں میں کمی ریکارڈ