پنجا ب اور سندھ کے لوگ تیار ہوجائیں سورج کی تپش میں اضافہ ہونے والا ہے۔

محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم گرم اور خشک جبکہ پنجا ب کے میدانی علاقوں اور بالائی سندھ میں شدید گرم رہے گا۔ رپورٹ کے مطابق گزشتہ 24 گھنٹوں کے دوران کشمیر، گلگت بلتستان، راولپنڈی، گوجرانوالہ، بہاولپور ڈویژن میں چند مقامات پر تیز ہواﺅں اور گرج چمک کے ساتھ بارش ہوئی تاہم ملک کے دیگر علاقوں میں موسم گرم اور خشک رہا ہے۔ سب سے زیادہ بارش گڑھی دوپٹہ میں12 ملی میٹر، منڈی بہاﺅالدین 5، منگلہ، جہلم 3 ، چکوال 2 ، سیالکوٹ، بہاولپور ایک ، بگروٹ3 اور سکردو میں ایک ملی میٹر ریکارڈ کی گئی ہے۔