ملک کے مختلف حصوں میں مزید بارش کا امکان

لاہورکے مختلف علاقوں میں بارش سے موسم ہوا خوشگوار۔ کہیں برسی ہلکی پھوار تو کہیں رہی رم جھم کی صورتحال۔کئی علاقوں میں موسلادھار بارش نے بھی رنگ جمایا۔موسم کے تیور بدلے توشہریوں کے چہرے بھی خوشی سے کھل اٹھے۔شہر کا کم سے کم درجہ حرارت چوبیس ڈگری سینٹی گریڈ رہا۔آسمان پر چھائی گھٹاؤں نے مزید بارش کی نوید سنا دی ہے۔ملک کے دیگر حصوں میں بھی بارش سے جل تھل ایک ہو گیا۔کوٹلی میں انسٹھ، مالم جبہ میں چھیالیس، مری میں پندرہ ملی میٹر بارش ریکارڈ کی گئی۔موسم کا حال بتانے والوں کا کہنا ہے آئندہ چوبیس گھنٹوں میں ملک کے بیشتر علاقوں میں موسم گرم اور مرطوب رہے گا۔تاہم مالاکنڈ،پشاور،کوہاٹ،ڈی آئی خان، راولپنڈی، گوجرانوالہ، اورلاہورمیں بارش کا امکان ہے۔