کوئٹہ سے تعلق رکھنے والے انٹرنیشنل باکسر محمد وسیم نے پانامہ میں انٹر نیشنل چیلنج فائٹ جیت لی

کوئٹہ سے تعلق رکھنے والے انٹرنیشنل باکسر محمد وسیم نے پانامہ میں انٹر نیشنل چیلنج فائیٹ جیت لی۔ آٹھ راونڈز پر مشتمل فائٹ میں محمد وسیم نے پانامہ کے انٹرنیشنل باکسر ایلیسروالڈیز کو ہرایا
محمد وسیم نے ایلیسر کو فائٹ میں دوسرے راونڈ میں ہی ناک آؤٹ کرکے ٹائٹل اپنے نام کرلیا۔ محمد وسیم کی یہ چھٹی مسلسل کامیابی ہے جو شاندار ریکارڈ ہے۔ اس کامیابی کے بعد محمد وسیم ڈبلیوبی سی سلور فلائی ویٹ کے عالمی رینکنگ میں پہلے نمبر پر آگئے۔ پاکستانی باکسر محمد وسیم نے گزشتہ سال جولائی میں فلپائنی باکسر گیمل میگرامو کوہرا کر انٹرنیشنل پروفیشل سلور فلائی ویٹ ٹائٹل جیتا تھا۔ فلپائینی باکسر گیمل میگرامو اس سے قبل سترہ مقابلوں میں ناقابل شکست رہے تھے۔