امریکی جریدے فوربز نے دنیا کے سو امیر ترین کھلاڑیوں کی فہرست جاری کردی ہے

امریکی میگزین فوربز نے دنیا کے سو امیر ترین کھلاڑیوں کی فہرست جاری کردی، فہرست کے مطابق پرتگال کی فٹ بال ٹیم کے کپتان کرسٹیانو رونالڈو رواں سال اٹھاسی ملین ڈالر کما کرکے دنیا کے امیر ترین کھلاڑی بن گئے۔ ٹیکس چوری پر مقدمات کا سامنا کررہے ارجنٹائن کے اسٹار فٹبالر لیونل میسی اکیاسی اعشاریہ چار ملین ڈالر کے ساتھ دوسرے نمبرپر موجود ہیں۔ جریدے کی جانب سے جاری فہرست کے مطابق امریکی باسکٹ بال ٹیم کے کھلاڑی لیبرون جیمز سستر ملین ڈالر کے ساتھ تیسرے اور سوئٹزر لینڈ کے ٹینس سٹار راجر فیڈرر سڑسٹھ اعشاریہ سات ملین ڈالر کے ساتھ چوتھے نمبر پر موجود ہیں۔ امریکی ٹینس سٹار سرینا ولیمز کا چالیسواں، فلپائنی باکسر منی پیکیو کا تریسٹھواں جبکہ دو سالہ پابندی کا شکار روسی ٹینس سٹار ماریہ شراپووا کا فہرست میں اٹھاسیواں نمبر ہے۔ دنیا کے سو امیر ترین کھلاڑیوں کی فہرست میں کوئی کرکٹر شامل نہیں ہے۔