ڈونلڈ ٹرمپ اور کم جونگ ان کی تاریخی ملاقات میں بڑے عہدو پیماں کئے گئے

ملاقات سے قبل ڈونلڈ ٹرمپ کا کم جونگ ان سے مصافحہ کرنے کا انداز  اور پھر ملاقات کے بعد کم جونگ ان کے چہرے پر دباؤ کے آثار نمایاں نظر آئے، ایک موقع پر ایسا محسوس ہوا کہ کم جونگ اُن ایک بڑے اور تجربہ کار کھلاڑی کے سامنے بے بس دکھائی دے رہے ہیں، دونوں رہنماؤں میں پینتالیس منٹ کی ملاقات میں آخر ایسا کیا ہوا کہ کم جونگ ان دباؤ کا شکار ہو گئے، دونوں رہنماؤں نے دستاویزات پر دستخط کئے تو کم جونگ اُن کا چہرہ پسینے سے شرابور نظر آیا، ٹرمپ اور کم جونگ کے لوازمات پر دوکروڑ سنگاپورین ڈالر یعنی پونے دو ارب روپے لاگت آئی، تو کیا وہاں کا ایئرکنڈیشنر کم جونگ کا متاثر نہ کرسکا اور ڈونلڈ ٹرمپ کی شخصیت کم جونگ کو متاثر کر گئی اور ان کا چہرہ پسینے سے لت پت ہوگیا