صدارتی ایوارڈ یافتہ اداکارہ مہوش حیات کا ملک کے تمام چڑیا گھر بند کرنے کا مطالبہ

 صدارتی ایوارڈ یافتہ اداکارہ و تمغہ امتیاز مہوش حیات نے اعلی حکام سے مطالبہ کیا ہے کہ ملک بھر کے تمام چڑیا گھر بند کرکے تمام جانوروں کو آزاد کردیا جائے۔ مہوش حیات نے مائیکرو بلاگنگ سائٹ ٹوئٹر پر جانوروں کے حق کے حوالے سے خصوصی پیغام جاری کیا ہے۔ مہوش حیات نے اپنے ٹوئٹ پیغام میں کہا کہ ہم ایک ایسے ملک میں جہاں ہم ابھی بھی انسانی حقوق کی جنگ لڑ رہے ہیں تو پھر وہاں جانوروں کے حقوق حاصل کرنا تو بہت دور کی بات ہے۔ اداکارہ نے سوالیہ انداز میں کہا کہ کاون ہاتھی کی رہائی کا تذکرہ کرتے ہوئے کہا کہ جب غیر ملکی مشہور شخصیات شامل ہوتے ہیں تو ہم اسی وقت کارروائی کیوں کرتے ہیں؟ اس سے پہلے کیوں نہیں کرتے ہیں ؟ انہوں نے کہا کہ ہمارے لیے یہ واقعی بہت شرمناک بات ہے کہ غیر ملکی شخصیات ہمیں صحیح کام کا بتائیں۔مہوش حیات نے اعلی حکام سے مطالبہ کرتے ہوئے کہا کہ اب ملک بھر سے ان چڑیا گھروں کو بند کردینا چاہیے۔