ویسٹ انڈیز کیخلاف سیریز کیلئے سرفراز احمد کی قیادت میں قومی ٹی ٹوئنٹی ٹیم کل متحدہ عرب امارات روانہ ہوگی

گرین شرٹس کا پندرہ رکنی اسکواڈ ویسٹ انڈیز سے دو دو ہاتھ کرنے اتوار کو یو اے ای کیلئے اڑان بھرے گا، ٹیم کی قیادت سرفراز احمد کررہے ہیں ۔۔۔ویسٹ انڈین ٹیم پہلے سے ہی دبئی موجود ہے جہاں انہوں نے آئی سی سی اکیڈمی میں بھرپور ٹریننگ کی ۔پاکستانی ٹیم کیلئے خوشخبری ہے کہ ویسٹ انڈین آل راؤنڈر آندرے رسل نے نجی مصروفیات کے باعث سیریز میں شرکت سے معذرت کرلی ، ان کی ،ان کی جگہ کیسرِک ولیمز کو اسکواڈ میں شامل کیا گیا ہے ۔ شاہینوں اور کالی آندھی کے درمیان سیریز کا افتتاحی میچ تئیس ستمبر کو دبئی انٹرنیشنل گراؤنڈ میں ہوگا ۔ اگلے روز دونوں ٹیمیں اِسی گراؤنڈ میں نبرد آزما ہونگی ۔آخری مقابلہ ستائس ستمبر کو ابوظہبی میں شیڈول ہے ۔