چیئرمین پی ٹی آئی بیرسٹرگوہر اور بشریٰ بی بی سمیت دیگر رہنمائوں کی عبوری ضمانت میں 8 ستمبر تک توسیع

اسلام آباد کی انسداددہشت گردی عدالت نے 26 نومبر اور سپریم کورٹ کے باہر احتجاج کے مقدمات میں چیئرمین پی ٹی آئی بیرسٹرگوہر اور بانی پی ٹی آئی کی اہلیہ بشریٰ بی بی سمیت دیگر رہنمائوں کی عبوری ضمانت میں آٹھ ستمبر تک توسیع کر دی۔انسداددہشت گردی عدالت نمبر ایک کے ڈیوٹی جج طاہر عباس سپرا  نے مجموعی طور پر ضمانت قبل از گرفتاری کی 230 درخواستوں پر سماعت کی،بیرسٹر گوہر، زرتاج گل،عمیر نیازی، لطیف کھوسہ اور دیگر عدالت میں پیش ہوئے۔بشریٰ بی بی،سلمان اکرم راجا،شیر افضل مروت، عمر ایوب، شبلی فراز کی حاضری سے استثنیٰ کی درخواستیں دائرکی گئیں،جو عدالت نے منظورکرلیں،پی ٹی آئی رہنمائوں کیخلاف تھانہ مارگلہ ،رمنا کوہسار اور دیگر میں انیس مقدمات درج ہیں۔