وزارت داخلہ کی ملک بھر میں ہفتہ وار چھٹیاں کم کرنے کی مخالفت

وزارت داخلہ نے ملک بھر میں ہفتہ وار چھٹیاں کم کرنے کی مخالفت کر دی، وزارت داخلہ کی جانب سے کابینہ کو بھجوائی گئی سمری کی کاپی دنیا نیوز کو موصول ہوگئی۔سمری میں کہا گیا ہے کہ 2011 میں وزارت پانی و بجلی کی سفارش پر ہفتہ وار 2 چھٹیاں کرنے کا فیصلہ کیا گیا، ہفتہ وار دو چھٹیاں کرنے کا مقصد توانائی بحران پر قابو پانے اور بجلی کی بچت کے لیے کیا گیا، ہفتے میں ایک تعطیل بڑھانے کے باوجود سرکاری دفاتر کے اوقات کار 40 گھنٹے فی ہفتہ ہی رکھے گئے۔وزارت داخلہ کی سمری میں مزید کہا گیا کہ ہفتے کی چھٹی ختم کر دی جائے تب بھی اوقات کار 40 گھنٹے فی ہفتہ ہی رہیں گے، ہفتے کی چھٹی ختم کرنے سے سرکاری اداروں کی کارکردگی پر خاطر خواہ اثر نہیں پڑے گا، وفاقی کابینہ کی مرضی ہے ہفتے کی چھٹی ختم کرنی ہے یا جاری رکھنی ہے۔