دورہ ویسٹ انڈیز قومی کرکٹ ٹیم کے لیے انتہائی اہمیت کا حامل ہے

دورہ ویسٹ انڈیز پاکستان کرکٹ ٹیم کے لیے کسی امتحان سے کم نہیں، آئی سی سی کرکٹ ورلڈ کپ دوہزار انیس میں براہ راست رسائی کے لیے گرین شرٹس کو تین میچوں کی ون ڈے سیریز میں ویسٹ انڈیز کے خلاف ہر حال میں کامیابی حاصل کرنا ہوگی، سیریز میں ناکامی کی صورت میں پاکستان کو آئندہ برس انگلینڈ میں ہونے والے میگا ایونٹ میں شرکت کے لیے تاریخ میں پہلی مرتبہ ورلڈ کپ کولیفائنگ راؤنڈ کھیلنا پڑے گا، کوالیفائنگ راؤنڈ میں فتح حاصل کرنے کے بعد ہی قومی ٹیم عالمی مقابلے میں شرکت کر سکے گی۔ واضح رہے کہ آئی سی سی ون ڈے رینکنگ میں پاکستان کرکٹ ٹیم آٹھویں پوزیشن پر موجود ہے جبکہ ویسٹ انڈیز کا رینکنگ میں نواں نمبر ہے۔