دبئی انٹر نیشنل ایئر پورٹ دنیا کے مصروف ترین ہوائی اڈوں میں شامل

متحدہ عرب امارات کے معروف دبئی ائیر پورٹ سے روزانہ اڑھائی لاکھ افراد سفر کرتے ہیں ۔ متحدہ عرب امارات کے ذرائع ابلاغ نے دبئی انٹر نیشنل ایئر پورٹ انتظامیہ کی جانب سے جاری کردہ عدادوشمار کے حوالے سے رپورٹ پیش کرتے ہوئے بتایا ہے کہ اس ائیر پورٹ سے ہر منٹ میں 166.66مسافر جبکہ روزانہ کی بنیاد پر 2 لاکھ52 ہزار افراد سفر کرتے ہیں۔ اس طرح دبئی انٹر نیشنل ایئر پورٹ دنیا کے مصروف ترین ہوائی اڈوں میں شامل ہوگیا ہے۔ اعلامیہ میں کہا گیا کہ گزشتہ برس کے مقابلے میں مسافروں کی تعداد میں 6.9 فیصد اضافہ ہوا ہے۔