امریکی صدر ڈونلڈ ٹرمپ نے بھارت کی جانب سے پاکستان پر حملے پر ردعمل دیتے ہوئے اسے  شرمناک قرار دے دیا۔  میڈیا سے گفتگو میں صدر ٹرمپ سے جب پاکستان اور بھارت کے درمیان حملوں سے متعلق سوال کیا گیا تو انہوں نے کہاکہ یہ واقعی شرمناک ہے۔ ہم نے ابھی ابھی اس بارے میں سنا ہے، جب ہم اوول آفس کے دروازے سے اندر آ رہے تھے۔ میرا خیال ہے کچھ لوگوں کو اندازہ تھا کہ کچھ ہونے والا ہے۔ انہوں نے مزید کہاکہ یہ دونوں ممالک بہت عرصے سے لڑ رہے ہیں، کئی دہائیوں سے، بلکہ اگر آپ غور کریں تو صدیوں سے یہ جھگڑا جاری ہے۔ واضح رہے کہ منگل اور بدھ کی درمیانی شب بھارت نے پاکستان کے تین مختلف مقامات پر میزائل حملے کیے، جس کے جواب میں پاکستان نے بھارت کے پانچ مقامات کو نشانہ بنایا۔