رینجرز اور پولیس کی کراچی میں مشترکہ کارروائی میں سہراب گوٹھ  سے  افغانی ڈکیت گروہ کے مطلوب3 ملزم گرفتار کر لیا گیا۔ سندھ رینجرز اورضلع ایسٹ پولیس نے انٹیلی جنس معلومات کی بنیاد پر مشترکہ کاروائی کرتے ہوئے کراچی کے علاقے جنت گل سہراب گوٹھ سے افغانی ڈکیت گروہ کے انتہائی مطلوب3 ملزمان جان آغا، امید گل عرف لغمانی اور عبدالرحمان کو گرفتار کر لیا۔ملزمان کے قبضے سے ڈکیتیوں میں استعمال ہونے والا اسلحہ وایمونیشن برآمد کر لیا گیا۔ ملزمان کراچی کے مختلف علاقوں میں شہریوں سے لوٹ مار کرنے کی 300 سے زائداسٹریٹ کرائم کی وارداتیں میں ملوث ہونے جبکہ دوران واردات 3 سے زائد  شہریوں کو فائرنگ کرکے زخمی کرنے کا اعتراف بھی کیا ہے۔