پاک فوج کے شعبہ تعلقات عامہ کے مطابق چیف آف رائل ملائیشین ایئرفورس جنرل تان سری داتو کا دورہ پاکستان، ملائیشین ائیرفورس کے چیف نے ایئرچیف مارشل ظہیر احمد بابر سے ملاقات کی۔ آئی ایس پی آر کے مطابق ملاقات کے دوران باہمی دلچسپی کے امور، فوجی تعاون، مشترکہ تربیت اور صنعتی شعبے میں تعاون پر بات چیت ہوئی، پاک فضائیہ کے چاق و چوبند دستے نے جنرل تان سری داتو کو گارڈ آف آنر پیش کیا۔ پاک فوج کے شعبہ تعلقات عامہ کے مطابق سربراہ پاک فضائیہ نے پاکستان اور ملائیشیا کے درمیان مضبوط دوطرفہ دفاعی تعلقات کو اجاگر کیا، ایئرچیف مارشل ظہیر احمد بابر نے ملائیشین ایئرفورس کے چیف کے پہلے دورہ پاکستان پر نیک خواہشات کا اظہار کیا۔ آئی ایس پی آر کے مطابق ایئر چیف نے دونوں فضائی افواج کے درمیان فوجی شراکت داری کو بڑھانے کے عزم کا اعادہ کیا۔ اس موقع پر رائل ملائیشین ایئر فورس کے سربراہ نے پاک فضائیہ کی کامیابیوں کو سراہا، مہمان خصوصی نے دوطرفہ تعلقات کو مزید مستحکم کرنے کی خواہش کا اظہار کیا۔