شمالی وزیرستان، میران شاہ میں جاسوس طیارے کےمیزائل حملے، چارافراد مارے گئے۔
ڈرون حملےمیں میران شاہ بازارمیں واقع ایک گھرکو نشانہ بنایا گیا جہاں چارمیزائل فائرکیئے گئے۔ حملے میں چار افراد ہلاک ہوگئے۔ واقعے کے بعد مقامی افراد نے مکان کا ملبہ ہٹا کر اس کے ملبے تلے دبی لاشیں نکال لیں۔ ابھی تک ہلاک ہونے والوں کی شناخت نہیں ہوسکی ، عینی شاہدین کے مطابق شمالی وزیرستان کے علاقوں میں دو مشتبہ جاسوس طیاروں کی پروازیں حملے کے بعد بھی جاری رہیں جس کے باعث لوگوں میں شدید خوف و ہراس پایا جاتا ہے۔